Soft Dosa

#रेणूरसोई
#झटपट #दोसा
सकाळच्या घाईच्या वेळेत, स्वयंपाक व नाश्ता हे दोन्ही आटपून 9 वाजता ऑफिससाठी घराबाहेर पडणे म्हणजे तारेवरची कसरत😊.
त्यात माझा दिवसाची सुरुवात होणारा नाश्ता हा पोषक असावा ह्या गोष्टीवर भर असतो.
मग अशावेळेस खुप युक्ती लढवाव्या लागतात.
आज त्यातीलच एक चवदार प्रकार...
खमंग दोसा...बिना चटणीचा तरी चवदार...
लोखंडी तवा वापरून हि पटकन होणारा...
झटपट दोसा...
साहित्य...
जाड तांदुळ..3 वाटी
उडीद डाळ...1 वाटी
मेथीदाणा...1 tsp
मीठ.... 3.5 tsp
जाड पण तिखट हिरवी मिरची ..4,5
खोबरेल तेल...1/2 वाटी
कृती....
तांदुळ, डाळ स्वछ धुवून व मेथीदाणे घालुन 4..5 तास भिजवा.
मिक्सर मध्ये बारीक वाटून घ्या, फार पातळ वाटु नका.
रात्रभर आंबवुन घ्या.
सकाळी त्यात मीठ घालून, मिक्स करा, गरज वाटली तर 1 वाटी पाणी घालून पातळ करा.
गॅसवर स्वच्छ घासलेला लोखंडी तवा 5 मिनिटे तापवत ठेवा.
गॅस कमी करून , त्यावर 2 tsp तेल पसरवून अजून 3 मिनिटे तापवा.
आपला तवा दोसे करायला सिद्ध झाला.
तवा मंद गॅसवर करा, 2..3 थेंब तेल घालून पसरवा, 2 मोठे चमचे भरून पीठ घाला, झटपट गोल पसरवा.
खुप पातळ नको, जाडसर ठेवा.
त्यावर मिरची चे तुकडे आवडी प्रमाणे घाला, छान चव येते.
बाजूने 2 tsp तेल गोलाकार घाला, दोस्यावर पण 1/2 tsp तेल पसरवा.
2 मिनिटे झाकण ठेवा, झाकण काढुन सराट्याने हलकेच सोडवून घ्या.
दुसऱ्या बाजूने 1/2 tsp तेल सोडून 1 मिनिटं ठेवा.
कुरकुरीत पण मऊ व आंबुस दोसे तयार.
मिरची नको असल्यास खाण्या आधीच वेगळी काढून ठेवा.
पुन्हा वापरता येते, मिरचीची छान चव येते.
सिमला मिरची पण घालु शकता.